Empanada de Cabrito

volver

Empanada de Cabrito

Segundo receita de Bartolomeo Scappi, cociñeiro privado do Papa Pío V. Ano 1560.

INGREDIENTES PARA 4 PERSOAS

600 gramos de carne de cabrito, perna, espalda, etc
2 cebolas medianas
1 dente de allo
200 gramos de queixo fresco
150 gramos de touciño magro
150 gramos de carne picada de porco
100 gramos de ameixa pasa
50 gramos de piñóns

Herbas aromáticas:
4 o 5 follas de salvia
1 ramiño de ourego
1 ramiño de menta

Especias:
½ culleradiña de café de pementa
4 centímetros de canela en rama
¼ de culleradiña de café de xenxibre en po
¼ de culleradiña de café de Noz moscada en po
Un chisco de cravo de olor en po

Masa de empanada: Se non se quere facer a masa, pódese utilizar pasta de follado ou pasta brisa.
50 gramos de aceite
100 gramos de auga
50 gramos de manteiga de porco
20 gramos de fermento fresco
300 gramos de fariña
1 cullerada de sal
1 chisco de azucre
1 ovo para dourar

ELABORACIÓN

Para a masa: 
Quentar o aceite, a auga e a manteiga a 37º, (tibia)
Engadir o fermento e mesturar ata diluíla.
Engadir a fariña co sal e o azucre.
Mesturar ata conseguir unha masa homoxénea e lisa.
Repousar ata que dobre o volume.

Para o recheno:
Remollar as ameixas.
Cortar a carne do cabrito en dados grosos.
Picar o touciño e mesturalo coa carne picada.
Cortar o queixo fresco en dados medianos.
Picar as herbas aromáticas.
Cortar a cebola en xuliana. Picar o allo.
Saltear o cabrito para darlle color.
Incorporar o touciño e a carne picada. Dourar.
Engadir a cebola e o allo. Sofritir cun pouco máis de aceite se é necesario.
Remover de vez en cando.
Mentres se coce engadir as herbas aromáticas e as especias.
Engadir as ameixas e os piñóns.
Cando estea cocido deixar arrefriar.
Estender a masa nun molde ou nunha bandexa de forno, segundo queiramos que sexa a forma da empanada.
Encher e cubrir a empanada.
Pintar co ovo batido cun pouco de auga.
Tirarlle polo pico unha pouca sal gorda.
Cocer en forno a 180º ata que a pasta estea cocida.

FEADER 3VASES: WEB, VoIP, DISEO