A NOSA GANDERÍA
Beealia forma parto do sector gandeiro apostando pola gandería extensiva e ecolóxica (en transición) de ovino de carne. Para iso temos un rabaño de 100 ovellas de raza Texel adicadas á implantación de novas técnicas de manexo que nos permite realizar cursos de formación específicos para este sector.
A RAZA TEXEL
A raza de ovella Texel é orixinaria da illa co mesmo nome situada en Holanda. Na gandería traballamos coas antigas liñas francesas, moi adaptadas á produción en base a pasto. Caracterízase por ser unha raza cárnica con excelentes aptitudes maternais e totalmente adaptada ao clima atlántico e aos pastos que medran grazas a el.
Pertenecemos a Asociación de Criadores de Oveja Texel (ACOT) e colaboramos co CIAM no estudo e difusión desta raza.
GANDERÍA EXTENSIVA E ECOLÓXICA
A nosa gandería é completamente extensiva, carecendo de instalacións fixas cos animais permanentemente no pasto, as 24 h do día os 365 días do ano. Producimos cordeiros e cordeiras de raza Texel criados en base a pasto (con nula ou moi pouca suplementación de cereal).
Formamos parte do MAPA de ganderías certificadas pola Plataforma por la Ganadería Extensiva y el Pastoralismo.
Estamos no período de transición para a certificación da produción en ecolóxico por parte do CRAEGA.
FORMACIÓN PARA GANDEIROS/AS
Realizamos cursos de formación para gandeiros/as do sector ovino e cabrún xa que temos máis de 15 anos de experiencia na gandería ovina e caprina de carne en Galicia.
Dispoñemos de todo un mostruario dos diferentes sistemas de prevención testados en Galicia para a prevención de ataques de lobo. ACHÉGATE A COÑECELOS!
Entre outros:
– Curso de atención ao parto en ovino (Programa en PDF)
– Curso de sistemas de prevención de ataques de lobo (Programa en PDF)
NON ESTAMOS SOLOS
COLABORACIÓNS
Participamos e colaboramos con outras entidades tanto a nivel galego coma a nivel español para estar ao corrente das novidades do sector, participar en proxectos de innovación e achegar solucións a través dunha rede de coñecemento e intercambio de información que chega ata a túa gandería.
